SİQARETİN QISA TARİXİ VƏ ZƏRƏRLƏRİ:
Siqaretin tarixi 1492-ci ilə təsadüf edir. Belə ki, dəniz səyyahlarının Amerikanı kəşf etmələri ilə tapılan tütün, İslam torpaqlarına 16-cı əsrin sonunda gətirilmişdi. Və bunun ilk idxalçıları da xristianlar olmuşdur.
Siqaretdə əsasən zəhərli qurğuşun oksid (PbO3), xərçəng yaradan maddələr, nikotin və qətran kimi gəmirici və həşəratları məhv etməkdə istifadə olunan bəzi maddələr, alkoqol və s. vardır.
Xərçəng, ağız, dodaq, dil və vəz xəstəliklərinə, qida borusu, tənəffüs, sinir sistemi və s. kimi xəstəliklərə səbəb olan siqaret həm də iqtisadi zərərlərə malikdir.
SİQARETİN HƏZM SİSTEMİLƏ ƏLAQƏDAR ZƏRƏRLƏRİ:
1. Siqaret çəkmək iştahanı pozur.
2. Həzm prosesini çətinləşdirir.
3. Dişləri saraldır.
4. Mədə yarasına səbəb olur.
5. Dodaq, dil və qida borusu xərçənglərinə səbəb olur.
SİQARETİN TƏNƏFFÜS SİSTEMİ İLƏ ƏLAQƏDAR ZƏRƏRLƏRİ:
1. Öskürək və bəlğəm əmələ gətirir.
2. Xroniki bronxitə və emfizemaya səbəb olur.
3. Qırtlaq və ağciyər xərçəngləri siqaret çəkənlər arasında daha çox müşahidə edilir.
4. Ağciyər və qırtlaq xərçəngi hadisələrinin əmələ gəlməsinin 90%-nin səbəbi siqaretdir.
SİQARETİN QAN DÖVRANI SİSTEMİ İLƏ ƏLAQƏDAR ZƏRƏRLƏRİ:
1. Damar divarlarının elastikliyinin azalmasına səbəb olur (ateroskleroz).
2. Damarlarda tıxanmalar əmələ gətirir. Qanqrenə səbəb olur.
3. Beyni qidalandıran damarların elastikliyini azaldır ki, bu da iflic kimi hadisələri yaradır.
4. Ürək xəstəliklərinin, xüsusilə də ürək əzələsi infarktının əmələ gəlməsinə zəmin yaradır. Siqaret çəkənlər arasında, həm infarkt, həm də infarktdan ölüm hadisələri çəkməyənlərlə müqayisə də 10 dəfə çoxdur.
SİQARETİN DİGƏR ZƏRƏRLƏRİ:
1. Hafizə zəifləyir.
2. Əhval-ruhiyyə pozulur, yuxusuzluq əmələ gəlir.
3. Dəridə qırışıqlar yaranır.
4. Hamilə qadınların hələ doğulmamış uşaqları ana bətnində zərər çəkir: cılız, zəif uşaqların doğumu, hətta ölü doğuşların ehtimalı artır.
5. Uşağını əmizdirən analarda nikotin ana südü vasitəsilə körpəyə də keçir.
6. Siqaret çəkənlərin yanında oturanlar da siqaretdən zərər çəkir.
Siqaret çəkməyin zərərləri, şübhəsiz ki, burada göstərilənlərdən daha çoxdur. İndiyə qədər siqaret çəkməyin faydasını heç kimi görməmişdir.